ՀՀ Սփիւռքի Նախարարութեան Հիմնադիր Նախարար Հրանուշ Յակոբեանի «Հայրենի-Սփիւռք գործակցութեան տասնամեայ ուղին» խորագրով վերջերս հրապարակուած իր եռահատորեակի շնորհանդէսին ներկայ գտնուելու համար Պէյրութ այցելութիւնը առիթ հանդիսացած է տիկին նախարարին հանդիպելու Ն.Ս.Օ.Տ.Տ. Արամ Ա. Վեհափառ Հայրապետին հետ:
Հանդիպման ընթացքին ընդհանուր արժեւորում կատարուած է Հայաստան-Սփիւռք յարաբերութեան ներկայ կացութեան մասին։
Վեհափառ Հայրապետը գնահատած է տիկին Յակոբեանի բերած կարեւոր նպաստը Հայաստան-Սփիւռք գործակցութեան առաւել ծաւալման, միաժամանակ ողջունելով նոյն նպատակին նուիրուած իր եռահատորին հրատարակութիւնը:
Իր այցելութեան առիթով տիկին Յակոբեան իր եռահատորին յատուկ մակագրուած օրինակները նուիրած է Վեհափառ Հայրապետին:
