Մինչ Լիբանանի անպատասխանատու քաղաքական ղեկավարութիւնը ժողովուրդը շաբաթներով զբաղեցուց նախագահական ընտրութիւններու բեմադրութիւններով, դարանակալ քոլերան իր աւերը շարունակեց գործել մանաւանդ երկրին հիւսիսային շրջաններուն մէջ, որ բնակուած է սուրիացի գաղթականներով:
Արդարեւ առողջապահութեան նախարարութիւնը երէկ երեկոյեան 3 նոր վարակակիրներու մասին յայտարարեց, ընդհանուր վարակիրներու թիւը հասցնելով 416-ի մինչ մահացածներուն թիւը մինչեւ օրս հասած է 18ի:
Երեւոյթը մտահոգիչ է եւ կը կարօտի լուրջ միջոցառումներու մինչ երկիրը կը տառապի դեղորայքի անհասանելիութենէ, ու հիւանդանոցներն անգամ մեծ դժուարութեամբ կը գործեն: