Հինգշաբթի, 29. 09. 2022

ԱՆԹԻԼԻԱՍԻ ՈՒԽՏԻ ՕՐ

Նախագահութեամբ

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍին

Կիրակի, 3 Ապրիլ 2022-ի առաւօտեան ժամը 10։00-ին, Անթիլիասի Ուխտի օրուան առիթով, Մայրավանքի Սուրբ Գրիգոր Լուսաւորիչ Մայր Տաճարին մէջ, պիտի մատուցուի Ս. եւ Անմահ Պատարագ։

Պիտի պատարագէ ու քարոզէ

ԳԵՐՇ. Տ. ԿՈՄԻՏԱՍ ԱՐՔ. ՕՀԱՆԵԱՆ

Ս. Պատարագի աւարտին, Վեհափառ Հայրապետին գլխաւորութեամբ, մեր հաւատքի հօր՝ Ս. Գրիգոր Լուսաւորիչի Աջով տեղի պիտի ունենայ աւանդական թափօր եւ պիտի կատարուի ջրօրհնէք։

Եկեղեցական արարողութեան աւարտին, Ս. Աջը պիտի տեղադրուի Ս. Խորանին բեմին վրայ եւ հոն պիտի մնայ մինչեւ իրիկուան ժամը 07։00։ Հաւատացեալներ հերթաբար մօտենալով պիտի կարողանան ստանալ մեր հաւատի հօր՝ Ս. Գրիգոր Լուսաւորիչ Հայրապետին Աջին օրհնութիւնը, ինչպէս նաեւ օրհնուած ջուր։

Իսկ Շաբաթ, 2 Ապրիլ 2022-ի երեկոյեան ժամը 07։00-ին Անթիլիաս ուխտի օրուան առիթով տեղի պիտի ունենայ հսկումի արարողութիւն, նախագահութեամբ Վեհափառ Հայրապետին եւ մասնակցութեամբ միաբան հայրերուն ու Դպրեվանքի ուսանողներուն։

Թագաժահրին (Coronavirus) ստեղծած պայմաններուն պարտադրանքով եւ մեր ժողովուրդին առողջապահութեան նկատմամբ մեր ունեցած նախանձախնդրութենէն մեկնելով, թելադրելի է որ յարգուին ժահրէն ապահով մնալու նախապայմանները։

ԴԻՒԱՆ ԿԱԹՈՂԻԿՈՍԱՐԱՆԻ

ՆՄԱՆ ՆԻՒԹԵՐ

Մեկնաբանէ՛

Խնդրում ենք այստեղ մուտքագրել Ձեր մեկնաբանութիւնը։
Խնդրում ենք այստեղ մուտքագրել Ձեր անունը։

spot_img

ՎԵՐՋԻՆ ՅԱՒԵԼՈՒՄՆԵՐ

Զօրակցիր Զարթօնք Օրաթերթին