Շաբաթ, 01. 10. 2022

Սուրբ Էջմիածնի Կրօնասէր Տիկնանց Համախմբումը Այցելեց Համայնքային Կեդրոններ

Սուրբ Էջմիածնի Կրօնասէր Տիկնանց Համախմբումի վարչականներ, գլխաւորութեամբ ատենապետուհի Տիկ. Անահիտ Տանձիկեանի, Հինգշաբթի 20 Յունուար 2022֊ի առաւօտեան, այցելեցին Լիբանանի երկու հայ համայնքներու կեդրոններու տնօրէնութիւններուն եւ խորհրդակցութիւններ ունեցան այժմէական զանազան նիւթերու շուրջ.

1. Պուրճ Համուտի Հայ Տարեցներու Տուն, ուր կը խնամուին հարիւրէ աւելի տարեցներ ամենայն խնամքով։ Ընդունուեցան հաստատութեան տնօրէն՝ վերապատուելի Սեպուհ Թերզեանի կողմէ:

2. Պուրճ Համուտի Լիբանանի Հայ Օգնութեան Խաչի Լ.Օ.Խ. «Արաքսի Պուլղուրճեան Ընկերաբժշկական Կեդրոն», ուր զիրենք ընդունեց՝ տնօրէնուհի Տիկ. Նազելի Աւագեան:

Այս առիթով անոնք փոխանցեցին իրենց նուիրատուութիւնը, ժողովուրդին անսահման կարիքներուն ի տես՝ Լիբանանի տնտեսական սուր տագնապին իբրեւ օժանդակութիւն եւ մաղթեցին բարեբեր օրեր Մայր Հայրենիքին եւ Լիբանանին։

Նշենք, որ Երեքշաբթի 18 Յունուար 2022֊ի առաւօտեան, Համախմբումը նաեւ այցելած եւ  խորհրդակցութիւններ ունեցած էր.

  1. Պուրճ Համուտի Յատուկ խնամքի կարօտ մանուկներու եւ պատանիներու Զուարթնոց կեդրոն, հանդիպելով տնօրէն Տիկ. Վարդի Օհանեան Գէորգեանի հետ:
  1. Պուրճ Համուտի Հայ կաթողիկէ Նարեկ Տիրամօր ընկերային բժշկական կեդրոն եւ հանդիպած պատասխանատու՝ Տոքթ. Կոստան Եափուճեանի հետ:

Այս առիթով անոնք նոյնպէս փոխանցած էին իրենց նուիրատուութիւնը՝ վերոյիշեալ նոյն ազնիւ նպատակով:

ՆՄԱՆ ՆԻՒԹԵՐ

Մեկնաբանէ՛

Խնդրում ենք այստեղ մուտքագրել Ձեր մեկնաբանութիւնը։
Խնդրում ենք այստեղ մուտքագրել Ձեր անունը։

spot_img

ՎԵՐՋԻՆ ՅԱՒԵԼՈՒՄՆԵՐ

Զօրակցիր Զարթօնք Օրաթերթին