Զարմանալի չէ, որ կացութիւնը պիտի պայթէր իշխանութեան դէմքին եւ ի մասնաւորի նախարարաց խորհուրդի գումարումը արգիլողներուն դէմ:
Ի տես լիբանանեան թղթոսկիի արժէքին աննախընթաց անկումին եւ անկէ յառաջացած լուրջ դժուարութիւններուն Հանրապետութեան նախագահը ստիպուեցաւ իր մտադրութիւնը յայտնել երկխօսութիւններու շարքի մը ձեռնարկել, որ մինչեւ այս ժամս համընդհանուր համաձայնութեան չէ արժանացած: Պատճառնե՞րը. բազմազան են, որոնցմէ կարեւորագոյնը անոր շա՜տ ուշացումին մէջ կը կայանայ:
Փողոցային ցոյցերը մօտալուտ կը թուին, որուն առաջին ազդանշանը տրուեցաւ երէկ ուշ գիշերին երբ ցուցարարներ սկսան փակել շատ մը ճանապարհներ: