Ուրբաթ, 07. 10. 2022

Անթիլիասի Մայրավանքին Մէջ Նախատօնակ՝ Ս. Յակոբի Տօնին Առիթով

Օրհնութեամբ եւ տնօրինութեամբ Սուրբ Աթոռոյս Գահակալ Ն.Ս.Օ.Տ.Տ. Արամ Ա. Վեհափառ Հայրապետին, Կաթողիկոսարանիս «Կիլիկիա» թանգարանին մէջ ի պահ դրուած Ս. Յակոբ Մծբնայ Հայրապետին մասունքը դուրս բերուեցաւ եւ զետեղուեցաւ Անթիլիասի Մայրավանքի Ս. Գրիգոր Լուսաւորիչ Մայր Տաճարին մէջ։

Արդարեւ, Ուրբաթ, 17 Դեկտեմբեր 2021-ին, Երեկոյեան Ժամերգութեան աւարտին, կատարուեցաւ նախատօնակը սրբոցն Յակոբ Մծբնայ Հայրապետին, Մարուգէ ճգնաւորին եւ Մելիտոս եպիսկոպոսին, մասնակցութեամբ վանաբնական եպիսկոպոսներու եւ միաբան հայրերու։Նախատօնակի սկզբնաւորութեան, լուսարարապետ սրբազան հայրը, Ս. Խորանէն վար բերելով Ս. Յակոբի մասունքը՝ զետեղեց Մայր Տաճարի ատեանին մէջտեղ, ուր միաբան հայրեր Ս. Աւետարանն ու Ս. Խաչը համբուրելէ ետք, նաեւ ստացան սուրբին օրհնութիւնը՝ խնդրելով անոր բարեխօսութիւնը Աստուծոյ Միածին Որդիին մօտ, որպէսզի անոնք եւս իրենց ծառայութեան մէջ Ս. Յակոբի նման ըլլան հաստատակամ, իսկ հաւատքի առաքելութեան մէջ՝ ամրակուռ։Յայտնենք, որ սուրբին մասունքը Մայր Տաճարին մէջ պիտի մնայ մինչեւ Կիրակի, 19 Դեկտեմբեր 2021-ի երեկոյեան ժամը 05։00։

Նախորդ յօդուածը«Հրատապ Լուրեր»
Յաջորդ յօդուածըԶԱՐԹՕՆՔ 18.12.2021

ՆՄԱՆ ՆԻՒԹԵՐ

Մեկնաբանէ՛

Խնդրում ենք այստեղ մուտքագրել Ձեր մեկնաբանութիւնը։
Խնդրում ենք այստեղ մուտքագրել Ձեր անունը։

spot_img

ՎԵՐՋԻՆ ՅԱՒԵԼՈՒՄՆԵՐ

Զօրակցիր Զարթօնք Օրաթերթին