Չորեքշաբթի, 05. 10. 2022

Ամենայն Հայոց Կաթողիկոսը Մայր Աթոռում Ընդունեց Արցախի Հանրապետութեան Արտաքին Գործերի Նախարարին

Սեպտեմբերի 10-ին Ն.Ս.Օ.Տ.Տ. Գարեգին Երկրորդ Ծայրագոյն Պատրիարք եւ Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց Արցախի Հանրապետութեան Արտաքին գործերի նախարար Դաւիթ Բաբայեանին` ուղեկցութեամբ Արցախի թեմի առաջնորդ Գերաշնորհ Տ. Վրթանէս եպիսկոպոս Աբրահամեանի:

Նորին Սրբութիւնն իր գնահատանքը բերեց նախարարին Մայր Աթոռ Սուրբ Էջմիածնում տեղի ունեցող միջազգային համաժողովին իր մասնակցութիւնը բերելու համար, որով հնարաւորութիւն է ընձեռնւում ժողովականներին համապարփակ ներկայացնելու Արցախի առջեւ ծառացած ներկայիս մարտահրաւէրները եւ հիմնախնդիրները: Վեհափառ Հայրապետը տեղեկացրեց նախարարին, որ այս շրջանում Քոյր Եկեղեցիների ներկայացուցիչները եւս համապատասխան աշխատանքներ են իրականացրել միջազգային ատեաններում բարձրաձայնելու Ադրբեջանի ոտնձգութիւններն Արցախի եւ Հայաստանի Հանրապետութեան դէմ:

Հանդիպմանը Նորին Սրբութիւնը նշեց նաեւ, որ Եկեղեցիների համաշխարհային խորհրդի գլխաւոր քարտուղարին եւ Եւրոպական եկեղեցիների համաժողովի նախագահին տեղեկացուել է Մայր Աթոռի կողմից Արցախի հոգեւոր-մշակութային արժէքների պահպանման գործում իրականացուող աշխատանքների մասին:

Նախարար պարոն Դաւիթ Բաբայեանն իր խօսքում ընդգծեց, որ Արցախը մշտապէս զգացել է Հայ Առաքելական Սուրբ Եկեղեցու աջակցութիւնը եւ մեծապէս կարեւորել ու գնահատել այն: Վերջինս նաեւ ընդգծեց նման համաժողովների կազմակերպման կարեւորութիւնը, որոնց միջոցով հնարաւոր է Արցախն առաւել ճանաչելի դարձնել միջազգային տարբեր հարթակներում:

ՆՄԱՆ ՆԻՒԹԵՐ

Մեկնաբանէ՛

Խնդրում ենք այստեղ մուտքագրել Ձեր մեկնաբանութիւնը։
Խնդրում ենք այստեղ մուտքագրել Ձեր անունը։

spot_img

ՎԵՐՋԻՆ ՅԱՒԵԼՈՒՄՆԵՐ

Զօրակցիր Զարթօնք Օրաթերթին