2020 թուականի Օգոստոսին Լիբանանի կառավարութեան հրաժարելէն 13 ամիս ետք՝ այսօր, Սեպտեմբեր 10-ին, երկիրը վերջապէս ունեցաւ իր կառավարութիւնը։
Լիբանանի նախարարաց խորհուրդի ընդհանուր քարտուղար դատաւոր Մահմուտ Մաքքիէ երէկ կէսօրէ ետք յայտարարեց նոր կառավարութեան կազմը։
Աղբիւրները նշեցին, որ բաւական դժուար բանակցութիւններէ ետք է, որ յայտարարուեցաւ: նոր կառավարութեան կազմութեան մասին
Նշենք, որ կառավարութիւնը կը բաղկանայ 24 նախարարներէ:
Պէյրութի մէջ երէկ առկայ դրական մթնոլորտին արդիւնքով ամերիկեան տոլարը ամիսներէ ի վեր առաջին անգամ ըլլալով սկսաւ վաճառուիլ 17,100-ի։
Գաղտնիք մը չէ, որ երկրին մէջ տոլարի տատանումները մեծ հաշուով կապ ունին երկրի քաղաքական վերիվայրումներուն հետ ու այդ առումով ալ նոր կառավարութեան մը կազմութիւնը կը համարուի դրական մեծ քայլ, գոնէ ժամանակաբար։