Կիրակի, 6 Յունիս 2021-ին յետմիջօրէին, Լիբանանի ֆութպոլի Դ. դասակարգի ախոյեանութեան մրցումներուն գծով, ՀԵԸ Անդրանիկ՝ 6-3 արդիւնքով պարտութեան մատնեց Հուփսը (կիսախաղ՝ 3-0): Մրցումը տեղի ունեցաւ Անսարի մարզադաշտին մէջ: Անդրանիկի կազմէն Վաչէ Պուլտուքեան եւ Սերուժ Մոսկոֆեան փայլեցան իրենց նշանակած կոլերով:
Շնորհիւ սոյն յաղթանակին, ՀԵԸ Անդրանիկ, Աթլեթիքոյին հետ անցաւ Լիբանանի Դ. դասակարգի ախոյեանութեան երկրորդ փուլի մրցումներուն:
Երկրորդ փուլի մրցումներուն պիտի մասնակցին տասը խումբեր՝ Լիբանանի հինգ նահանգներուն մէջ տեղի ունեցող ախոյեանութիւններուն գլխաւոր երկու դիրքերը գրաւող խումբերը:
ՀԵԸ Անդրանիկի յաջորդ մրցակիցը պիտի ըլլայ Աթլեթիքօն: Յաղթող խումբը պիտի շահի Պէյրութ նահանգի ախոյեանութեան տիտղոսը: