Հակառակ նշանակեալ Վարչապետի՝ Նաժիպ Միքաթիի նախագահական պալատ այցելութեան, կառավարութիւն կազմելու հաւանականութիւնը տակաւին կը յամենայ, մինչ 30 վայրկեան տեւած այցելութիւնը ըստ երեւոյթին լուրջ արդիւնքներ ունենալէ հեռու էր:
Հանդիպումը երկար ժամանակ տեւած նախագահին եւ վարչապետին յարաբերութիւններուն սառցահալին հազիւ սատարեց:
Միքաթի հանդիպման աւարտին կարճ յայտարարութիւն մը ըրաւ, լրագրողներուն յայտնելով, որ ինք տակաւին կը մնայ այն ցանկին վրայ, որ անցեալ Յունիսին ներկայացուցած էր նախագահին, որուն մասին տակաւին բարուոք արձագանգ չէ ստացած: