Աննա Սուրէնի Պոյաճեան (29 Օգոստոս 1954, Երեւան, Հայաստանի Խորհրդային Ընկերվարական Հանրապետութիւն, Խորհրդային Ընկերվարական Հանրապետութիւններու Միութիւն – 29 Յունուար 2015, Երեւան, Հայաստան), բուսաբան-սնկաբան։ Կենսաբանական գիտութիւններու դոկտոր (1996), դասախօս (2001)։ ՀՀ ԳԱԱ թղթակից անդամ (2014)։ Վիեննայի միջազգային համալսարանի պատուաւոր դասախօս։
Աշխատանքին զուգընթաց դասաւանդած է շարք մը յառաջատար ուսումնական հաստատութիւններու մէջ։ 1996-2003-ններուն դասաւանդած է Մաքս Փլանքի կենսաբնագիտական տարրաբանութեան հիմնարկին մէջ (Գերմանիա), Թագաւորական քոլէճին մէջ (Անգլիա), Մաքս Պլանքի հոգեբանութեան հիմնարկին մէջ (Գերմանիա), Օքսֆորտի համալսարանին մէջ (Անգլիա), Միւնխենի արուեստագիտական հիմնարկին մէջ (Գերմանիա), Սան-Ֆրանսիսքոյի համալսարանին մէջ (ԱՄՆ), Էսթոնիոյ Կենսաբանութեան կեդրոնին մէջ, Ռուսիոյ Կենսարուեստագիտական գիտահետազօտական հիմնարկին մէջ, Միջուկային հետազօտութիւններու միացեալ հիմնարկին մէջ (Դուբնա, ՌԴ)։ Աննա Պոյաճեան առաջին հայ գիտնականն է, որ 2014-ին մրցութային հիմունքներով դարձած է գիտական խումբի ղեկավար Կեմերովոյի արուեստագիտական հիմնարկին:
