«Ազատագրական շարժում» նախաձեռնութեան անդամները երէկ կրկին Երեւանի մէջ փողոցներ փակած էին` պահանջելով բացայայտել այն փաստաթուղթը, որ հնարաւոր է ստորագրուի Հայաստանի եւ Ատրպէյճանի ղեկավարներուն միջեւ եւ մերժեցին ամէն հակահայ գործարք, որ կը կատարուի մութին մէջ: Ոստիկանները բերման ենթարկած են շարժումը ղեկավարող 6 անդամներ, այդ շարքին՝ «Զարթօնք» կուսակցութեան ղեկավար, փաստաբան, Ազատագրական շարժման նախաձեռնող խումբի անդամ Արա Զոհրապեանը եւ «Զարթօնք»ի գլխաւոր խմբագիր Սեւակ Յակոբեանը:
Հակառակ ճնշումներու Շարժումը երէկ երեկոյեան շարունակաբար 5րդ օրը ըլլալով կազմակերպեց հանրահաւաք Հանրապետութեան հրապարակին վրայ ապա նաեւ հերթական քայլերթը: