Տեսանկիւն
1920-ին Լիբանանի պետութիւնը իր ներկայիս տեսքով անկախ հանրապետութիւն հռչակուելէն իվեր ան ենթարկուած է շարք գրաւումներու եւ գաղութարարութեան մինչև 22 Նոյեմբեր 1943-ը, երբ բոլոր օտար ուժերը լիբանանեան հողերէն դուրս բերելու մասին յայտարարութիւն կատարուեցաւ:
Լիբանանի համար դժբախտաբար, անկախութեան փուլը հիմնական որոշիչ փուլ մը չհանդիսացաւ, եւ երկիրը շարունակեց անկայուն մնալ տասնամեակներ շարունակ: Լիբանանեան պետութիւնը իր ներկայիս տեսքով անցած է մեծ թիւով լուրջ ճգնաժամերու, քաղաքացիական պատերազմներու և նոր գրաւումներու մէջէն, որոնք աւերեցին և մասնատեցին մեր փոքր պետութիւնը, զայն դարձնելով թոյլ պետութիւն մը, աւելին՝ լուրջ թեկնածու 2022-ին յայտարարուելու ձախողած պետութիւն:
Իր ձեւական անկախութենէն ի վեր մինչև այսօր լուրջ ճգնաժամեր աւերած են Լիբանանի էութիւնը, մինչ երկիր ու պետականութիւն ունենալու պրպտումները կը շարունակուին:
