Կառավարութեան ճգնաժամի հանգուցալուծման ուղղութեամբ ուշագրաւ զարգացումով մը երկրին երեք գլխաւոր ղեկավարները՝ նախագահ Միշէլ Աուն, Խորհրդարանի նախագահ Նապիհ Պըրրի եւ Վարչապետ Նաժիպ Միքաթին, Լիբանանի Անկախութեան տարեդարձին նուիրուած, Պաշտպանութեան նախարարութեան մէջ տեղի ունեցած զինուորական խորհրդանշական շքերթէն ետք, հանրապետութեան նախագահական ինքնաշարժով մեկնեցան դէպի Պաապտայի պալատ։ Այնտեղ եռակողմանի հանդիպում մը տեղի ունեցաւ: Մինչ այդ նախագահութիւնը յայտարարած էր այս առիթով պաշտօնական ընդունելութիւնը չեղարկելու մասին, «հաշուի առնելով երկրին առկայ իրավիճակը և առողջապահական վիճակը, աւանդական ընդունելութիւնը տեղի պիտի չունենայ պալատին մէջ շնորհաւորանքներ ընդունելու համար Անկախութեան օրին առիթով»:
Պալատէն հեռանալու պահուն Պըրիի պատասխանելով «Իրավիճակը կը կարգաւորո՞ւի» հարցին ըսաւ. «Ինշալլահ»։
Միքաթի իր հերթին ընդգծեց, որ «անկախութիւնը չէր ըլլար, եթէ լիբանանցիները կողք կողքի չհաւաքուէին Ռաշայայի մէջ։ Մենք չենք կրնար անկախութիւնը պահպանել, եթէ միասնական չըլլանք»։
