Ուրբաթ, 30. 09. 2022

ՀԲԸՄ-ՀԵԸ Անդրանիկ Ապահովեց Եօթը Տիտղոսներէն Վեցը

ՀԲԸՄ-ՀԵԸ Անդրանիկ  Ապահովեց Եօթը Տիտղոսներէն Վեցը

 Լիբանանի   փինկ փոնկի ախոյեանութեան  մրցումներուն  ՀԲԸՄ-ՀԵԸ  Անդրանիկ Պէյրութի արձանագրած աննախընթաց   յաջողութիւններուն առիթով,   Երկուշաբթի, 1 Նոյեմբեր  2021-ի երեկոյեան,  ՀԵԸ-ի Կեդրոնական Վարչութեան  կազմակերպութեամբ  ընդունելութիւն  մը տեղի ունեցաւ  ի պատիւ  փինկ փոնկի  ախոյեան կազմին անդամ-անդամուհիներուն, ՀԲԸՄ-ի Տեմիրճեան  կեդրոնին  մէջ:

 Երեկոյին  ներկայ  գտնուեցան  ՀԵԸ-ի Կեդրոնական Վարչութեան ատենապետ եւ անդամներ,  Լիբանանի փինկ փոնկի  ֆետերասիոնի   նախագահ եւ անդամներ,  վարչական պատասխանատուներ,միութենականներ, մարզիկներ եւ  մարզիկներու  ծնողներ:

 ՀԲԸՄ- ՀԵԸ Անդրանիկ  փինկ  փոնկի վարչական  պատասխանատու Սահակ Պիտինեան  բարի գալուստ  մաղթեց  ներկաներուն,  ընդգծելով, որ  ՀԵԸ-ի  հիմնադրութեան օրէն,  փինկ փոնկը աւանդական մարզաձեւ մը եղած է   ՀԵԸ-ի  համար, անոր հիմնադրութեան առաջին տարիներէն:   

Այս միջոցին  պաստառի   վրայ ցուցադրուեցան   միութենական յարկի տակ  եւ   Լիբանանի  ախոյեանութեան մրցումներուն, ինչպէս նաեւ  Լիբանանի  փինկ  փոնկի հաւաքականը ներկայացուցած  ՀԵԸ-ի մարզիկներէն   յիշատակի նկարներ:

 Այս ուրախ  առիթով, սրահը   ծափերով ողջունեց   Լիբանանի երկրամեայ ախոյեան եւ փինկ փոնկի  ֆետերասիոնի վեթերան անդամ, ՀԵԸ-ական  Մարսէլ Պարսումեանի ներկայութիւնը երեկոյին:

  ՀԵԸ-ի Կեդրոնական Վարչութեան ատենապետ Վիգէն Չերչեան Միութեան  անունով   շնորհաւորեց   փինկ փոնկի ախոյեան մարզիկները, մարզուհիները,  խումբերուն մարզիչ  Մելիք  Ալ Թաուիլը, վարչական պատասխանատու Սահակ Պիտինեանը այս տարուան  աննախընթաց   յաղթանակին առիթով: Ան  նշեց, թէ  ՀԵԸ Անդրանիկ  Պէյրութ ոսկէ մետալ ապահոված էր ախոյեանութեան  եօթը կարգերէն վեցին, եօթներորդը՝ արծաթ: Վիգէն   Չերչեան  նորանոր յաջողութիւններ  ՀԵԸ-ի  փինկ փոնկի կազմին:

 Հաճելի անակնկալով մը,  սրահ  ժամանեց ՀԲԸՄ-ի Լիբանանի  Շրջանակային Վարչութեան ատենապետ  Ժերար Թիւֆէնքճեանը եւ  մէկ առ մէկ շնորհաւորեց  փինկ փոնկի կազմին անդամ-անդամուհիները:

  Սրտի խօսք արտասանեց  Լիբանանի  փինկ փոնկի   ֆետերասիոնի նախագահ  Ճորճ Քոփալին, շնորհաւորելով  ՀԵԸ Անդրանիկ  Պէյրութի մարզիկներուն արձանագրած  գերազանց արդիւնքները    

 Սրտի խօսք  փոխանցեց նաեւ  մարզուհիներու  ծնողներէն Միրնա Ալ Հապաշը:

 Ապա տեղի ունեցաւ   յուշանուէրներու  բաշխում:

 Փինկ փոնկի  ախոյեան- ախոյեանուհիները,  ՀԵԸ-ի Կեդրոնական Վարչութեան ատենապետ  Վիգէն Չերչեանը,փինկ  փոնկի  ֆետերասիոնի նախագահ  Մելիք  Ալ Թաուիլը, փինկ փոնկի վարչական պատասխանատու Սահակ Պիտինեանը, վեթերան  մարզիկ- մարզիչ  Մարսէլ Պարսումեանը  միասնաբար  հատեցին   օրուան  կարկանդակը:

 Յիշատակելի երեկոյի աւարտին տեղի ունեցաւ  հիւրասիրութիւն:

ՆՄԱՆ ՆԻՒԹԵՐ

Մեկնաբանէ՛

Խնդրում ենք այստեղ մուտքագրել Ձեր մեկնաբանութիւնը։
Խնդրում ենք այստեղ մուտքագրել Ձեր անունը։

spot_img

ՎԵՐՋԻՆ ՅԱՒԵԼՈՒՄՆԵՐ

Զօրակցիր Զարթօնք Օրաթերթին