Մինչ կառավարութիւնը անդամալոյծ է, արաբական երկիրներու Լիբանանի կառավարութեան դէմ որդեգրած քայլերը կը սաստկանան: Խնդիրը միայն դիւանագիտական տագնապ չէ, այլ նաեւ տնտեսական:
Հակառակ ոմանց լաւատեսութեան ինչ կը վերաբերի Կլասքոյի մէջ Վարչապետ Միքաթիի բազմակողմանի շփումներուն միջազգային ընտանիքի ղեկավարներուն հետ, կայ տեսակէտ մը, որ կ՛ըսէ թէ Միքաթիի աշխատանքները ուշացան եւ փոթորիկը դժուար է կանխել:
Վերջին յոռետես կարծիքը սակայն չարգիլեր, որ ճիգերը շարունակուին Ֆրանսան, ԱՄՆ-ն, Քաթարն ու Եգիպտոսը ներառել ստեղծուած տագնապին լուծման ի խնդիր: