ՓԻՆԿ ՓՈՆԿ
Մոն Լա Սալի մէջ այս օրերուն, Լիբանանի փինկ փոնկի ֆետերասիոնին հովանաւորութեամբ, տեղի կ’ունենան Լիբանանի փինկ փոնկի Ա. դասակարգի ախոյեանութեան մրցումները:
Երկու խմբակներու բաժնուած 12 ակումբներ կը մասնակցին ախոյեանութեան մրցումներուն: Խմբակներուն երկու գլխաւոր դիրքերը գրաւող կազմերը կ’անցնին կիսաւարտական փուլ:
Հակառակ այն իրողութեան, որ մրցակից կազմերու մեծամասնութիւնը օժտուած են փորձառու, յաճախ ալ արտասահմանէն ժամանած ծագումով լիբանանցի մարզիկներով, ՀԵԸ Անդրանիկ Պէյրութ «ճիւնիոր»ներու կազմով որոշեց մասնակցիլ ախոյեանութեան մրցումներուն:
Մեր տղաքը պարտութեան մատնեցին իրենց խմբակին մէջ գտնուող բոլոր՝ հինգ մրցակիցները եւ գլխաւորեցին խմբակին ընդհանուր դասաւորումը եւ անցան ախոյեանութեան երկրորդ փուլը, ուր իրենց մրցակիցը պիտի ըլլայ երկրորդ խմբակին Բ. դիրքը գրաւող լիբանանեան բանակին կազմը:
ՀԵԸ Անդրանիկ Պէյրութի փինկ փոնկի կազմին մարզիչն է Մելիք Թաուիլը, վարչական պատասխանատուն՝ Սահակ Պիտինեանը:
Ստորեւ, ախոյեանութեան խմբակային փուլի մրցումներուն, ՀԵԸ Անդրանիկ Պէյրութի արձանագրած արդիւնքները.
ՀԵԸ Անդրանիկ Պէյրութ – ՀՄԸՄ Պէյրութ՝ 3-1
ՀԵԸ Անդրանիկ Պէյրութ – Մոն Լա Սալ՝ 3-0
ՀԵԸ Անդրանիկ Պէյրութ – Չարիթէ Տար Էլ Նուր՝ 3-0
ՀԵԸ Անդրանիկ Պէյրութ – Լիուա 2 Սայտա՝ 3-2
ՀԵԸ Անդրանիկ Պէյրութ – Ահլի Սայտա՝ 3-0
Նորանոր յաջողութիւններ կը մաղթենք մեր մարզիկներուն: