Երեքշաբթի, 18. 06. 2024

spot_img

ՀԱՂՈՐԴԱԳՐՈՒԹԻՒՆ

Հայ Կաթողիկէ Եկեղեցւոյ Սիւնհոդոսական Հայրերը, որոնք համախմբուած են Պատրիարքական Աթոռ՝ Զմմառու հնադարեան վանքին մէջ, ընտրելու համար յաջորդը Երջանկայիշատակ Գրիգոր Պետրոս Ի. Կաթողիկոս Պատրիարքին, իրենց հայեացքը կ’ուղղեն դէպի Վատիկան, ուր Սրբազան Քահանայապետ՝ Ֆրանչիսկոս Պապին շուրջ հաւաքուած են Լիբանանի քրիստոնեայ Համայնքապետերը, եւ յաջողութիւն կը մաղթեն իրենց կատարելիք աշխատանքներուն, խորհրդակցութիւններուն եւ ջանքերուն՝ ի նպաստ Լիբանանի քաղաքական, ընկերային եւ տնտեսական տագնապներուն լուծման:

Եւ մինչ Ժողովական Հայրերը կը յայտնեն իրենց ցաւը ներկայ չգտնուելու Վատիկանի հաւաքին, ընտրական Սիւնհոդոսի ընթացիկ աշխատանքներուն պատճառով, անոնք կը յորդորեն համայն լիբանանցիները՝ աղօթքով եւ պահեցողութեամբ ընկերանալու իրենց Համայնքապետերուն՝ հինգշաբթի 1 Յուլիսին, ի նպաստ Լիբանանի մէջ քաղաքացիական համերաշխութեան եւ բարօրութեան հաստատման:

Զմմառ, 1 Յուլիս 2021
                                                                                                            Դիւան
Հայ Կաթողիկէ Պատրիարքութեան
spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին