Չորեքշաբթի, 05. 10. 2022

Մայր Աթոռ Սուրբ Էջմիածինը Հանդէս Է Եկել Յայտարարութեամբ

Խորը մտահոգութեամբ տեղեկացանք Մայր Աթոռ Սուրբ Էջմիածնի «Իզմիրլեան» բժշկական կենտրոնի տնօրէն փրոֆեսոր Արմէն Չարչեանի կալանաւորման մասին: Անուանի բժշկին առաջադրուած մեղադրանքները մեծապէս տարակուսելի են, եւ կալանաւորման կայացուած որոշումը՝ խիստ անհամաչափ, ինչի մասին փաստում են բազմաթիւ հեղինակաւոր իրաւագէտներ։ Ստեղծուած իրավիճակում բժշկի նկատմամբ իրականացուած գործողութիւնները առերեւոյթ դժուար է բնութագրել այլ կերպ, քան հալածանք եւ անհիմն հետապնդում, ինչը միանշանակօրէն դատապարտելի է։

Պատկան կառոյցներին յորդորում ենք անյապաղ ազատ արձակել փրոֆեսոր Արմէն Չարչեանին՝ նկատի ունենալով նրա առողջական ոչ բարուոք վիճակը եւ նրա խնամքի տակ գտնուող անչափահաս երեխայի հանգամանքը։

Վաստակաշատ բժիշկ Արմէն Չարչեանը ամենածանր եւ դժուարին իրավիճակներում փրկել է հազարաւոր կեանքեր եւ այսօր էլ, գլխաւորելով Մայր Աթոռի «Իզմիրլեան» բժշկական կենտրոնը, շարունակում է իր անմնացորդ ծառայութիւնը բերել մեր ժողովրդին եւ հայրենիքին։ Այժմ, կալանքի ծայրայեղ միջոցի կիրառմամբ, վտանգուած է նրա  առողջութիւնը, ինչպէս նաեւ բացառուել է նրա օժանդակութիւնը մարդկանց կեանքի եւ առողջութեան պաշտպանութեան հարցերում։

Վստահ ենք, որ քրէական գործով նախաքննութիւնը կարելի է անցկացնել առանց բժիշկ Արմէն Չարչեանին հասարակութիւնից մեկուսացնելու:

ՆՄԱՆ ՆԻՒԹԵՐ

Մեկնաբանէ՛

Խնդրում ենք այստեղ մուտքագրել Ձեր մեկնաբանութիւնը։
Խնդրում ենք այստեղ մուտքագրել Ձեր անունը։

spot_img

ՎԵՐՋԻՆ ՅԱՒԵԼՈՒՄՆԵՐ

Զօրակցիր Զարթօնք Օրաթերթին