ԶԱՐԹՕՆՔ-ի խմբագիր Սեւակ Յակոբեան, այսօր առաւօտ իր ֆէյսպուքի էջին վրայ հետեւեալ գրառում/ակնարկը ըրած է.
Արցախի Հանրապետութեան իրաւական դաշտին մէջ գոյութիւն չունի փաստաթուղթ, որով կը նախատեսուի լուծարել պետական հիմնարկները: Այդ մասին դեկտեմբեր 22-ին հասարակական հիմունքներով պաշտօնավարումը շարունակող Արցախի պետական մարմիններու ղեկավարներու հետ հանդիպման յայտարարած է Արցախի նախագահ Սամուէլ Շահրամանեանը։
Կը մնայ մատնանշել եւ համեստաբար յուշել առ որ անկ է, որ մինչ Ազրպէյճանական կողմը իր գործելաոճին մէջ շատ ուշադիր է բեմադրական եւ խորհրդանշական մանրամասնութիւններու, մեզի համար ալ պարտադիր պէտք է ըլլայ նման հանդիպումներու լուսանկարները հրապարակուին աւելի ներկայանալի եւ խրոխտ, որուն ֆոնին հպարտօրէն երեւի Արցախի Հանրապետութեան դրօշը:
