Չորեքշաբթի, 05. 10. 2022

ՀԲԸՄ-ՀԵԸ Անդրանիկ Անթիլիաս Հասաւ Մինի Ֆութպոլի  Լիբանանի Ախոյեանութեան Քառորդ Աւարտականին

   ՀԵԸ Անդրանիկ Անթիլիասի մինի ֆութպոլի կազմը հասաւ  Լիբանանի  ֆութպոլի Ա. դասակարգի ախոյեանութեան  քառորդ  աւարտական փուլը:

  Առաջին փուլի  մրցումներուն,  չորս խմբակներու բաժնուած ախոյեանութեան մասնակից  16 խումբերը (իւրաքանչիւրը՝  չորս խումբ) երթուդարձի  դրութեամբ  մրցեցան  իրարու դէմ:  ՀԵԸ Անդրանիկ Անթիլիաս արձանագրեց  հինգ յաղթանակ եւ կրեց  մէկ պարտութիւն,   ապահովելով    քառորդ աւարտականի իր ուղեգիրը:  Սակայն, կոլերու տարբերութեամբ գրաւեց իր խմբակին երկրորդ դիրքը: Չորս խմբակներէն գլխաւոր երկու դիրքերը գրաւող կազմերը անցան  քառորդ աւարտական:

 Քառորդ աւարտականին ՀԵԸ Անդրանիկ  Անթիլիասի մրցակիցը պիտի ըլլայ Ֆրենտզը:  Երթի  մրցումը տեղի պիտի ունենայ  8 Սեպտեմբերին,  ՀԵԸ Անդրանիկի  սեփական մարզադաշտին  մէջ:  Կ’արժէ  նշել, որ   մրցումը ուղիղ  հաղորդումով պիտի սփռուի  հեռատեսիլի   LBC-ի կայանէն:

 Խումբին   գլխաւոր մարզիչն է  Գօգօ Ալոզեանը,  վարչական պատասխանատուն՝ Ալեքս Առաքելեանը, ֆետերասիոնին մէջ  ներկայացուցիչը՝  Թոնի Ճունթոյեանը:

 Յաջողութիւն կը մաղթենք  ՀԵԸ  Անդրանիկի  մարզչական կազմին, վարչական պատասխանատուներուն եւ բոլոր մարզիկներուն:

ՆՄԱՆ ՆԻՒԹԵՐ

Մեկնաբանէ՛

Խնդրում ենք այստեղ մուտքագրել Ձեր մեկնաբանութիւնը։
Խնդրում ենք այստեղ մուտքագրել Ձեր անունը։

spot_img

ՎԵՐՋԻՆ ՅԱՒԵԼՈՒՄՆԵՐ

Զօրակցիր Զարթօնք Օրաթերթին