Ռամկավար Ազատական Կուսակցութեան Եգիպտոսի Շրջանային Վարչութեան ու «Արեւ»ի շրջանակի անունով անհուն կսկիծ կը յայտնենք Գահիրէի Թեմական Ժողովի երկարամեայ անդամ, Գահիրէի Քաղաքական Ժողովի եւ ՀԲԸՄ-ի Շրջանակային Յանձնաժողովի ատենապետ Տիար Օննիկ Պըլըքտանեանի մահուան տխուր առիթով։
Տիար Օննիկ Պըլըքտանեանի անխնայ եւ բոլորանուէր երկարամեայ գործունէութիւնն ու ծառայութիւնը անմոռանալի են Գահիրէի ՀԲԸՄ-ի շրջանակին եւ եգիպտահայ գաղութի պատմութեան էջերուն մէջ, որոնք հպարտութեամբ պիտի կրեն ու յաջորդողներուն պիտի փոխանցեն օրինակելի այս տիպարին` Տիար Պըլըքտանեանին լիիրաւ վաստակը։
Սրտագին մեր ցաւակցութիւնը կը յայտնենք Գահիրէի ՀԲԸՄ-ի շրջանակին, հանգուցեալի տիկնոջ, զաւակներուն եւ ընտանեկան բոլոր պարագաներուն։
Յաւերժական հանգիստ, լոյս եւ խաղաղութիւն տիար Օննիկ Պըլըքտանեանի հոգւոյն։