Երկուշաբթի, 27. 06. 2022

Ընտրակաշառքի Վերաբերող Խախտումի մը Մասին եւ ոչ Միայն

Տեղեկանք

ՍԵՒԱԿ ՅԱԿՈԲԵԱՆ

Աննախընթաց երեւոյթով մը, Երեքշաբթի 10 Մայիս 2022-ին միայն, Երեւանէն Պէյրութ թիւով չորս օդանաւային թռիչքներ գրանցուած են (մէկ հերթական՝ թռիչքի համար ME 276  եւ 3 արտակարգ ME 2276, ME 1276, ME 3276): Նշեալին փաստացի տուեալները կցուած են սոյն տեղեկանքին:

Լիբանանի երեսփոխանական ընտրութիւններու նախօրէին տեղի ունեցած սոյն երեւոյթը կարգ մը հարցեր կը բարձրացնէ.

  1. Արդեօք նշեալ թռիչքներու վրայ տեղ գտած ճամբորդները լիբանանահայե՞ր էին, որոնք Լիբանան կը վերադառնային ընտրութիւններու մասնակցելու նպատակով:
  2. Եթէ հաստատուի վերոյիշեալը, կը նշանակէ, որ լիբանանահայերու կողմէ մե՜ծ հետաքրքրութիւն կար մասնակցելու Մայիսի 15ի ընտրութիւններուն: Այս պարագային, ինչո՞ւ անոնք չէին գրանցուած Հայաստանի մէջ Լիբանանի դեսպանատան մէջ քուէարկելու: Նշենք, որ Հայաստանի մէջ նշեալ ընտրութիւններուն համար գրանցուածներուն թիւի սակաւութիւնը պատճառ հանդիսացաւ Հայաստանի մէջ Լիբանանի դեսպանատան մէջ քուէատուփեր չտեղադրուելուն:
  3. Ընտրապայքարը նախորդող ամիսներուն Լիբանանի ՀՅԴ-ի ղեկավարը այցելած էր, Հայաստան ու հանդիպում ունեցած այնտեղ բնակող լիբանանահայերու հետ: Արդեօ՞ք այս այցելութիւնն ու հանդիպումը, ոեւէ առնչութիւն ունի՞ն վերոյիշեալ երեւոյթին հետ:
  4. Վերոյիշեալ երեւոյթը կրնա՞յ ընտրութիւններով շահագրգռուած կողմի մը հերթական ընտրակաշառքը ըլլալ օդանաւային տոմսակի ձեւով փաթեթաւորուած:
  5. Նկատի ունենալով առկայ թռիչքներու համարներն ու անոնց կայացած ըլլալու փաստը, կարելի չէ՞ ստուգել անոր համար գումար յատկացուցած կամ տոմսերը ապահոված կողմին անունը:
  6. Կասկածը հաստատուելու պարագային, դատապարտելի չէ՞ այն կողմը, որուն ձեռնարկածը ընտրական օրէնքի բացայայտ խախտում ըլլալու կողքին նաեւ շահագործում է արտերկիր ապրողներու Լիբանանի կարօտը իրենց սրտին մէջ ունեցողներուն ազնիւ զգացումներուն:
  7. Տեղին չէ՞ նաեւ ստուգել եթէ նոյնանման երեւոյթ գրանցուած է նաեւ այլ երկիրներու պարագային:
  8. Իրենց բնակած երկրին մէջ քուէարկելու իրաւունքը քաջալերելու փոխարէն, քաղաքացիներ Լիբանան փոխադրելը ընտրակաշառքէ բացի նաեւ չի՞ հետապնդէր անոնց ընտրական ազատ կամքին վրայ բարոյական ճնշում:

Հիմնուելով վերոյիշեալներուն վրայ եւ այս առիթով, կը դիմեմ Պէյրութի Ընդհանուր Դատախազութեան, վերոյիշեալ կէտերը ընդունելու որպէս Տեղեկանք եւ առ այդ պարտն ու պատշաճը տնօրինելու:

ՆՄԱՆ ՆԻՒԹԵՐ

Մեկնաբանէ՛

Խնդրում ենք այստեղ մուտքագրել Ձեր մեկնաբանութիւնը։
Խնդրում ենք այստեղ մուտքագրել Ձեր անունը։

2,098ՀաւանողներՀաւանում
24,568հետեւողներհետեւել
75,412ԲաժանորդներԲաժանորդագրուել
spot_img

ՎԵՐՋԻՆ ՅԱՒԵԼՈՒՄՆԵՐ

Զօրակցիր Զարթօնք Օրաթերթին