Մշակութային Արձագանգ
Արեւմտահայ գրականութեան ամենակարեւոր բանաստեղծներէ Պետրոս Դուրեանի «Տրտունջք» քերթուածը նորովի հանդէս եկաւ՝ երգչուհի Մարալ Այվազի ձայնով: Երգը յօրինեց և մշակեց յայտնի երաժիշտ՝ Նորայր Տեմիրճեան:
1851 ծնունդ Սկիւտարցի Պետրոս Դուրեան, չքաւորութիւններով պատուած կեանքին տեւողութեան բազմազան տխրութիւններ ապրած, երիտասարդ տարիքին վարակուած թոքախտի հետեւանքին վախճանած էր: Իր կարճատեւ կեանքի ընթացքին յօրինած է բազմաթիւ բանաստեղծութիւններ, թատերագրութիւններ, վարած է դերասանական պաշտօններ, եղած է նաև լրագրի և հանդէսի խմբագիր:
Ամերիկաբնակ երաժիշտ Նորայր Տեմիրճեան, որ երկար տարիներ ստեղծագործութիւններով նպաստած է Թուրք Փոփ երաժշտութեան, ան Դուրեանի այս քերթուածէ հատուածներ առնելով մեղեդիներու կը միացնէ զանոնք: Յետոյ կապ կը հաստատէ Մարալի հետ, որպէսզի ձայն տայ երգին:
Երգի առթիւ նկարահանուած տեսահոլովակին մէջ երգչուհին ճամբորդելով դէպի անցեալ, ականատես կը դառնայ բանաստեղծի ներաշխարհական ապրումներուն, կեանքի պայքարին, արարիչի դէմ յանդիմանութեան ու կը կիսուի անոր վիշտերը:
Տեսահոլովակի բեմադրութեան աջակցութիւն բերաւ՝ դերասան Եղիա Աքկիւն, նկարահանումները կատարեց՝ Սելման Պօզքըր, ընդհանուր կազմաւորութիւնը իրագործեց՝ Մարալ Այվազ: Իսկ բանաստեղծի դերը ստանձնեց՝ Անդրանիկ Պաքըրճըօղլու:
Նշելով թէ, երգչուհիին համար երգը յատուկ իմաստ կ’ունենայ, քանի որ այս տարի Պետրոս Դուրեանի ծննդեան 170ամեակն է:
Մարալ Այվազի «Տրտունջք» երգը տեղադրուած է բոլոր թուային երաժշտական հարթակներուն, իսկ տեսահոլովակը, որ Թրքերէն և Անգլիերէն տողատակի տարբերակներով պատրաստուած է, հասանելի է երգչուհիին պաշտօնական եութիւպեան ալիքէն: