Կիրակի, 9 Յունուար 2022-ին «Քահրապա»-ի մարզադաշտին վրայ աւարտեցաւ Լիբանանի Պասքեթպոլի Ֆետերասիոնի կազմակերպած 18 տարեկանէն վար տղոց եւ աղջկանց տարիքային ախոյանութեան Ա. Փուլի մրցաշարքը: Յիշեցնենք, թէ ՀԵԸ Անդրանիկ Անթիլիաս կը մասնակցի տղոց ախոյեանութեան մրցումներուն, իսկ ՀԵԸ Անդրանիկ Սին Էլ Ֆիլ՝ աղջկանց:
Սոյն մրցաշարքերուն ՀԲԸՄ-ՀԵԸ Անդրանիկի 18 տարեկանէն վար տղոց եւ աղջկանց խումբերը աւարտեցին Ա. Փուլի մրցումները առանց պարտութեան, արժանացան պատուաբեր արդիւնքներու եւ գլխաւորեցին իրենց խմբակներու աղիւսակին Ա. դիրքը:
Այս առիթով ջերմապէս կը շնորհաւորենք զոյգ խումբերուն մարզիչները. տղոց կազմի մարզիչ՝ Էլիաս Մուաուատը, վարչական պատասխանատու՝ տոքթ. Ռաֆֆի Չուլճեանը եւ խմբապետ՝ Արման Չերչեանը, ինչպէս նաեւ աղջկանց կազմի մարզիչ՝ Ճիլպեր Սալիպան, վարչական պատասխանատու՝ Նայիրի Սուէյտի – Հայրապետեանը եւ խմբապետուհի՝ Էրիքա Խուրին:
Կը մաղթենք զոյգ խումբերուն նորանոր նուաճումներ ապագայ փուլերուն:
