Պէյրութի փողոցներուն աղբերու հին-նոր պատմութիւնը դարձեալ օրակարգի վրայ է: Աղբակոյտերով լեցուն փողոցներու տեսարանները սկսած են կրկնուիլ ամենուրէք: Այս տեսարանը աւելի եւս կ՛ընկճէ քաղաքացին իր դէմ յանդիման ցցուած ահագին դժուարութիւններուն շարքին:
Այս տգեղ երեւոյթին հիմնական պատճառը դրամի արժեզրկումն է, որուն ի դէմ աղբահաւաք Ռիմքօ ընկերութիւնը առ այժմ լուծումներ չունի սպասելով քաղաքապետութեան քայլին, որ կ՛ուշանայ: