Երկուշաբթի, 16. 05. 2022

ՀԲԸՄ- ՀԵԸ Անդրանիկ Պէյրութ Լիբանանի Փինկ Փոնկի Ախոյեան

Յարատեւ աշխատանք եւ կամք: Լիբանանի այս տագնապալի առօրեային մէջ  ՀԲԸՄ-ՀԵԸ-ի    ընտանիքը պայմաններուն արտօնած սահմաններուն մէջ կը  շարունակէ բեղուն    գործունէութիւն:

 Ահաւասիկ   բարի արագիլ  մը   համայն  ՀԲԸՄ- ՀԵԸ-ի  մեծ   ընտանիքին:  ՀԲԸՄ- ՀԵԸ  Անդրանիկ Պէյրութ  արժանաւորապէս  շահեցաւ  Լիբանանի  փինկ  փոնկի (սեղանի  թենիս)  Ա.  դասակարգի ախոյեանութեան  տիտղոսը:

  Մրցումները  տեղի ունեցան  Մոն  Լա Սալի մէջ, Լիբանանի  փինկ փոնկի  ֆետերասիոնին   հովանաւորութեան տակ:   

 Առաջին  փուլին, ախոյեանութեան  մասնակից 12 ակումբները  բաժնուեցան  երկու խմբակներու:   Իւրաքանչիւր  խումբ, իր  խմբակին մէջ պիտի  մրցէր   մնացեալ  հինգ խումբերուն դէմ:   Խմբակներուն  երկու գլխաւոր դիրքերը գրաւող կազմերը   պիտի անցնէին  կիսաւարտական  փուլ:

Հակառակ այն  իրողութեան, որ  մրցակից կազմերու մեծամասնութիւնը  օժտուած էին փորձառու, յաճախ ալ  արտասահմանէն ժամանած  ծագումով լիբանանցի մարզիկներով, ՀԵԸ Անդրանիկ  Պէյրութ «ճիւնիոր»ներու կազմով  որոշեց  մասնակցիլ  ախոյեանութեան մրցումներուն:

   Մեր տղաքը  պարտութեան  մատնեցին   իրենց  խմբակին  մէջ գտնուող   բոլոր՝  հինգ  մրցակիցները եւ գլխաւորեցին խմբակին  ընդհանուր դասաւորումը եւ անցան ախոյեանութեան  կիսաւարտականի փուլին:     

 Կիսաւարտական  փուլի   մրցումին,  ՀԵԸ Անդրանիկ  Պէյրութ՝ 3-2 արդիւնքով  պարտութեան մատնեց   Լիբանանի բանակի խումբին, իսկ աւարտականին՝  3-0 արդիւնքով Ահլի Սայտային:

  Նշենք,   թէ  ՀԵԸ Անդրանիկ  Պէյրութ  վերջին անգամ  2002-ին շահած էր սոյն տիտղոսը:

   Ջերմօրէն կը   շնորհաւորենք  ՀԵԸ Անդրանիկ Պէյրութի   մարզիկները,անոր  մարզչական կազմը, վարչական  պատասխանատուները այս  պանծալի    յաղթանակին առիթով,  մաղթելով    նորանոր   նուաճումներ:

  ՀԵԸ Անդրանիկ Պէյրութի  փինկ փոնկի կազմին   մարզիչն է Մելիք Թաուիլը, վարչական պատասխանատուն՝  Սահակ Պիտինեանը:

Ստորեւ, ախոյեանութեան խմբակային փուլի մրցումներուն,  ՀԵԸ Անդրանիկ   Պէյրութի   արձանագրած արդիւնքները.

ՀԵԸ Անդրանիկ  Պէյրութ  –   ՀՄԸՄ Պէյրութ՝ 3-1

 ՀԵԸ Անդրանիկ  Պէյրութ –  Մոն  Լա Սալ՝  3-0

 ՀԵԸ Անդրանիկ   Պէյրութ –  Չարիթէ Տար Էլ Նուր՝ 3-0

 ՀԵԸ Անդրանիկ  Պէյրութ – Լիուա 2 Սայտա՝  3-2

 Ի գիտութիւն  մեր   մարզասէր   հասարակութեան, այսօր՝  Շաբաթ, 23  Հոկտեմբեր  2021,  պիտի  սկսի   Լիբանանի   փինկ  փոնկի աղջկանց ախոյեանութիւնը:

  Յաջողութիւն մեր  բոլոր մարզուհիներուն:

Նախորդ յօդուածըԶԱՐԹՕՆՔ 22.10.2021
Յաջորդ յօդուածըԼիբանանահայ Դպրոց

ՆՄԱՆ ՆԻՒԹԵՐ

Մեկնաբանէ՛

Խնդրում ենք այստեղ մուտքագրել Ձեր մեկնաբանութիւնը։
Խնդրում ենք այստեղ մուտքագրել Ձեր անունը։

2,098ՀաւանողներՀաւանում
24,568հետեւողներհետեւել
75,412ԲաժանորդներԲաժանորդագրուել
spot_img

ՎԵՐՋԻՆ ՅԱՒԵԼՈՒՄՆԵՐ

Զօրակցիր Զարթօնք Օրաթերթին