Հացի նոր տագնապ մը երեւելի պիտի դառնայ Լիբանանի մէջ։ Այս նիւթին մասին լիբանանեան ԷՄ.ԹԻ.ՎԻ կայանը ըստ «Արեւելք»ին, հարցազրոյց մը կատարած է Փուռերու սենտիքայի նախագահ՝ Ալի Իպրահիմին հետ։
Իպրահիմ մասնաւորապէս ըսած է, որ մազութի սուր պակասին հետեւանքով այսօրուընէ սկսեալ Թրիփոլի քաղաքի բոլոր փուռերը պիտի մնան փակ նշելով, որ եթէ իրավիճակն այս հունով շարունակուի ապա յառաջիկայ օրերուն հացի տագնապը երեւելի պիտի ըլլայ ամբողջ Լիբանանի մէջ։
Յիշեցնենք, որ մինչ կառավարութեան կազմութիւնը կ՛ուշանայ, Լիբանանի տարածքին առկայ վառելանիւթի սուր տագնապը իր ազդեցութիւնը կը գործէ ոչ միայն սնունդի այլ նաեւ երկրի առողջապահական ոլորտին վրայ։
