Տիգրան Սիւնի (Հեքիմեան) (1861, Սեբաստիա – 24 Յունուար 1916, Կոստանդնուպոլիս), բժիշկ։
Ծնած է 1861 թուականին, Սեբաստիոյ նահանգի Սեբաստիա քաղաքին մէջ։ Բժիշկ Գարեգին Սիւնիի աւագ եղբայրը եւ Լեւոն ու Արմենակ Սիւնիներու հօրեղբայրը։ 1885 թուականին մեկնած է ԱՄՆ եւ ուսանած է Նիւ Եորքի համալսարանի բժշկական բաժինէն ներս։ Մասնագիտացած է քիթ–կոկորդ-ականջ հիւանդութիւններու բուժման գիծով։ Վերադարձած է Սեբաստիոյ նահանգի Եոզկաթի գաւառի կեդրոն՝ Եոզկաթ քաղաքը։ Որոշ ժամանակ անց ընտանիքով հաստատուած է Կ. Պոլիս եւ աշխատած՝ որպէս բժիշկ։
Սպանուած է 1916 թուականի Յունուար 24-ին՝ Կ. Պոլիս։