Կիրակի, 09. 02. 2025

spot_img

ՊԱՏՄՈՒԹԵԱՆ ՄԷՋ ԱՅՍՕՐ. Հայաստանի Առաջին Հանրապետութիւն

«ԶԱՐԹՕՆՔ», ՊԷՅՐՈՒԹ –  Մայիս 28-ին Թիֆլիսի Արամեանցի տան մէջ, բուռն քննարկումներէ ետք Հայոց Ազգային Խորհուրդը (ՀԱԽ) վճռած է հռչակել Հայաստանի անկախութիւնը։ 

Հայաստանի Առաջին Հանրապետութիւնը ստեղծուած է 1918 թուականի Մայիս 28-ին՝ մայիսեան հերոսամարտերէն՝ Սարդարապատէն, Բաշ-Ապարանէն եւ Ղարաքիլիսայէն ետք։

Առաջին հանրապետութիւնը հիմնադրուեցաւ հայ ժողովուրդի համար ծանր ժամանակահատուածի մէջ, երբ երիտասարդ թրքական բնաջնջման ծրագրէն խուսափած բազմահազար հայ գաղթականներն ու սովը, երթեւեկութեան ուղիներու շրջափակումները, Քեմալական Թուրքիոյ 1920 թուականի յարձակումը, ինչպէս նաեւ խորհրդային Ռուսիոյ նուաճողական քաղաքականութիւնը հնարաւորութիւն պիտի չընձեռէին պետութեան ղեկավարներուն ստեղծելու կայուն պետութիւն։

Առաջին հանրապետութիւնը գոյատեւեց մինչեւ 1920 թուականի Դեկտեմբեր 2-ը, երբ Հայաստանի Հանրապետութեան դէմ Ռուս–թրքական համատեղ վայրագութեան արդիւնքով Հայաստանի Հանրապետութեան արեւմտեան եւ հարաւ–արեւմտեան գաւառները՝ անոնց շարքին Կարսը, Արտահանը, Կաղզուանը, Սուրմալու–Իգդիրը՝ սրբազան Արարատ լեռով, անցան քեմալական թուրքիոյ տիրապետութեան տակ, իսկ արեւելեան գաւառները՝ խորհրդայնացան ու բաժնուեցան մի քանի մասի՝ Հայաստանի Խորհրդային Սոցիալիստական Հանրապետութիւն, Նախիջեւանի երկրամաս, Արցախ, Գարդման–Գանձակ՝ Ատրպէյճանականի Խորհրդային Սոցիալիստական Հանրապետութեան կազմի մէջ եւ այլն։

Հակառակ կարճ կեանքին Առաջին Հանրապետութեան դերը անգնահատելի է պետականութիւնը վերագտնելու գործին մէջ։

 

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին