Շաբաթ, 08. 02. 2025

spot_img

ՊԱՏՄՈՒԹԵԱՆ ՄԷՋ ԱՅՍՕՐ. Մելիք Թադեւոսի Քոչարեան

«ԶԱՐԹՕՆՔ», ՊԷՅՐՈՒԹ –   Մելիք Թադեւոսի Քոչարեան (Մայիս 11, 1911, Ալափարս, Կոտայքի մարզ, Հայաստան)։ Հայ դերասան, թատերագիր: ԽՍՀՄ գրողներու միութեան անդամ 1934 թուականէն:

1930 թուականին աւարտած է Երեւանի Խաչատուր Աբովեանի անուան միջնակարգ դպրոցը: 1928 թուականին եղած է երեւանի Գաբրիէլ Սունդուկեանի անուան թատրոնի, 1929-1941 թուականներուն՝ Երեւանի պատանի հանդիսատեսի թատրոնի դերասան: 1941-1946 թուականներուն խորհրդային բանակի ծառայող: 

Քոչարեանի ներկայացումները բեմադրուած են. «Մեծ յաղթանակի ճանապարհը» (Երեւան, 1932), «Չքաւորը» (Երեւան, 1932), «Վարդ եւ Նուարդ» (1933), «Կոյր երաժիշտը» (Լենինական, 1937), «Ռաիսա Տարասովա» (Թիֆլիս, 1934), «Սամուէլ» (ըստ Րաֆֆիի համանուն վէպի, «Հարազատ մարդիկ» (Երեւան, 1947), «Վաղուայ մեծ օրը», «Մերժուած խաղաղութիւն» (Սերոբ Սարգսեանի հեղինակակցութեամբ), «Հին հիւանդութիւն» (Երեւան, 1949), «Ինչ որ ցանես-այն կը հնձես», «Կործանում», «Կործանուած սէր», «Մուսայ լերան քառասուն օրը (ըստ Ֆ. Վերֆելի համանուն վէպի), «Տունը նոր փողոցի վրայ», «Խելագարուած հարսնացուն», «Լուսաբերը Լուսաւանում» եւ այլն:

Ֆրանց Վերֆելի «Մուսայ լերան քառասուն օրը» վէպի հիման վրայ գրած «Մուսայ լերան քառասուն օրը» ներկայացումը (որ լոյս տեսած է «Մուսայ լերան զաւակները» վերնագիրով), 1965 թուականին արժանացած է Պէյրութի Թէքէեան մշակութային միութեան մրցանակին: 1965 թուականին բեմադրուած է Պէյրութի մէջ, 1967 թուականին՝ Սոֆիայի, 1969 թուականին՝ Պուէնոս Այրեսի մէջ (Սպաներէն թարգմանութեամբ): 

Մահացած է 1992 թուականին, Երեւան:

 

 

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին