«ԶԱՐԹՕՆՔ», ՊԷՅՐՈՒԹ – Անդրանիկ Յովհաննէսի Ղուկասեան (1905, Ապրիլ 10 – 1982, Նոյեմբեր), հայ արձակագիր, ԽՍՀՄ գրողներու միութեան անդամ 1957 թուականէն։ ԽՄԿԿ անդամ 1928 թուականէն:
Ծնած է Արեւմտեան Հայաստանի Տարօնի Վարդոյի գաւառակի Բասքա գիւղ։ 1915 թուականի Մեծ եղեռնի ժամանակ զրկուած է ծնողներէն։ Բնահան եղած տղան դեգերած է մէկ տեղէն միւսը, յետոյ բանուորութիւն ըրած Յունաստանի Կաւալլա քաղաքի ծխախոտի գործարանի մէջ եւ 1925 թուականին ներգաղթած Հայաստան։ Բնակութիւն հաստատած է Լենինականի մէջ, իբրեւ ելեկտրամագնիսի մասնագէտ աշխատած է գործուածքի արհեստանոցի մէջ։ 1930 թուականին աւարտած է Լենինականի ճարտարարուեստական բաժանմունքը, 1952 թուականին՝ Լենինականի մանկավարժական ուսումնարանի պատմութեան բաժանմունքը (հեռակայ ուսանող)։ 1945-1956 թուականներուն աշխատած է ՀԿԿ Լենինականի քաղկոմէն ներս որպէս դասախօս։ Այնուհետեւ երկար տարիներ զբաղած է ուսուցչութեամբ։ Մահացած է Լենինականի մէջ: