«ԶԱՐԹՕՆՔ», ՊԷՅՐՈՒԹ – Դաւիթ Մելքում Մալեան (4 Ապրիլ 1904, Զաքաթալա – 17 Յուլիս 1976, Երեւան), հայ դերասան, ՀԽՍՀ եւ ԽՍՀՄ ժողովրդական արտիստ։
ԽՍՀՄ ժողովրդական արտիստ Հենրիկ Մալեանի հօրեղբայրն է։
Ծնած է 1904-ին Զաքաթալա քաղաքը։ Նախնական կրթութիւնը ստացած է տեղի ծխական դպրոցը, սակայն կիսատ ձգած է, քանի որ ընտանիքին հետ միասին 1918-ին Ազրպէյճանէն կը տեղափոխուի Վրաստանի Թելաւ քաղաք։
Մասնագիտական կրթութիւնը կը ստանայ Թիֆլիսի Հայարտան դրամատիկական սթիւտիօն 1924-ին՝ Արշակ Պուրճալեանի եւ Ստեփան Քափանակեանի ղեկավարութեամբ։
Կարճ ժամանակ կ’աշխատի Երեւանի առաջին պետական թատրոնը:
1929 – 1930 աշխատած է Լենինականի դրամատիկական թատրոնը։ Այնուհետեւ երկու թատերաշրջան անցուցած է Երեւանի Բանուորական թատրոնը: Յետոյ դերասանը կը տեղափոխուի «Հայֆիլմ» եւ 1937-ին կը հաստատուի Սունդուկեանի անուան թատրոնը իբրեւ դերասան։
Հեղինակ է «Դէմքեր, հանդիպումներ» գիրքին (1974)։
