«ԶԱՐԹՕՆՔ», ՊԷՅՐՈՒԹ – Ալպերթ Խաչատուրով (8 Մարտ 1930, Տաշքենտ, Ուզպեքական ԽԸՀ – 8 Փետրուար 1976, Տաշքենտ), շարժա-թատերական բեմադրիչ, Ուզպեքական ԽՍՀ արուեստի վաստակաւոր գործիչ (1957)։
Ծնած է 1930 թուականին Տաշքենտ քաղաքը։ 1948 թուականին աւարտած է Տաշքենտի շարժանկարի դերասաններու դպրոցը, իսկ 1953 թուականին՝ Տաշքենտի Օսթրովսկիի անուան գեղարուեստա-թատերական հիմնարկի բեմադրիչի բաժինը։ 1953 թուականէն եղած է Նամանկանի Նաւոյիի անուան թատրոնի գլխաւոր բեմադրիչը, իսկ 1960 թուականէն՝ Խամզայի անուան ակադեմական թատրոնի բեմադրիչը։
1960-1976 թուականներուն աշխատած է Ուզպեքֆիլմի մէջ որպէս բեմադրիչ։ Դասաւանդած է Տաշքենտի երաժշտական ուսումնարանը եւ Օսթրովսկիի անուան թատերական հիմնարկը։
Մահացած է 1976-ին: