«ԶԱՐԹՕՆՔ», ՊԷՅՐՈՒԹ – Շառլ Լուի Ամպուազ Թոմա (ֆր.՝ Charles Louis Ambroise Thomas, 5 Օգոստոս 1811, Մեց – 12 Փետրուար 12 1896, Փարիզ, Ֆրանսա), ֆրանսացի երգահան, օփերաներու հեղինակ։ Փարիզի երաժշտանոցի տնօրէն (1871-էն մինչեւ մահ)։ Աւելի յայտնի ստեղծագործութիւններն են՝ «Մինիոն» (1866) եւ «Համլեթ» (1868) օփերաները։ Գրած է նաեւ «Գնչուհի», «Բեթի», «Փոթորիկ» պալէները, քայլերգեր, գործիքային ստեղծագործութիւններ եւ այլն։ Իր երաժշտութիւնը կ’առանձնանայ նրբութեամբ, մեղեդայնութեամբ, ինչպէս նաեւ նրբաճաշակ գործիքաւորումով։ Թոմայի աշակերտներէն է Ժիւլ Մասնէն:
