«ԶԱՐԹՕՆՔ», ՊԷՅՐՈՒԹ – Զուրապ Նազար Անթոնով (9 Փետրուար 1820, Կորի — 13 Դեկտեմբեր 1854, Թիֆլիս), հայկական ծագումով վրացի թատերագիր։
Ծնած է 1820 թուականին Կորի, առեւտրական ընտանիքի մը մէջ։ Որպէս գրագիր՝ ծառայած է Կորիի նահանգային կառավարութեան մէջ, ապա օգնած է հօրը կրպակի առեւտրային աշխատանքներուն։ 1851 թուականին սկսած է իր դերասանական գործունէութիւնը Կէորկի Էրիսթաւիի թատերախումբին մէջ։ Այդ ժամանակ ալ սկսած է գրել փիեսներ։ Նոյեմբեր-Դեկտեմբեր 1854 թուականին աշխատած է որպէս բեմադրիչ։ Այդ ժամանակաշրջանին գրած է շարք մը փիեսներ՝ «Ուզում եմ իշխանուհի լինել» (1851), «Մի՞թէ քեռին ամուսնացել է» (1952), «Արեւի խաւարում Վրաստանում» (բեմադրուած է 1853 թուականին, հրատարակուած է 1876 թուականին), «Հինգ կանանց ամուսինը» (բեմադրուած է 1851 թուականին, հրատարակուած է 1852 թուականին), «Խեւսուրների հարսանիքը» (1852), «Քեր-օղլի» (1853), «Գրողների ճանապարհորդութիւնը լաստով» (1854):