«ԶԱՐԹՕՆՔ», ՊԷՅՐՈՒԹ – Էդուարդ Յովհաննէս Պաղտասարեան (14 Նոյեմբեր 1922, Երեւան – 5 Նոյեմբեր 1987, Երեւան), հայ երաժշտահան, ՀԽՍՀ արուեստի վաստակաւոր գործիչ (1963):
Ծնած է Երեւան: Միջնակարգ կրթութիւնը ստացած է Թիֆլիսի մէջ, աւարտած է 1940 թուականին։ 1941 թուականին ընդունուած է Թիֆլիսի պետական երաժշտանոցը, իսկ 1946 թուականին տեղափոխուած է Երեւան, ուսումը շարունակած է Կոմիտասի անուան պետական երաժշտանոցին մէջ, զոր աւարտած է 1950 թուականին։ 1951-1953 թուականներուն սորված է Մոսկուայի մէջ։ 1961-1987 թուականներուն դասաւանդած է Երեւանի պետական երաժշտանոցին մէջ (1982 թուականէն՝ փրոֆէսոր): Ռոմանոս Մելիքեանի անուան երաժշտական ուսումնարանին մէջ եղած է ստեղծագործական դասարանի ղեկավար։
Գործունէութիւն
Գրած է սիմֆոնիկ պոեմ (1950), նախերգանք սիմֆոնիկ նուագախումբի համար (1953), «Շախմատ» պալէն (1940), դաշնամուրի համերգ (1978), երգեր, ռոմանսներ, թատերական երաժշտութիւն, կատարած է հայկական ժողովրդական պարերու դաշնամուրային մշակումներ (1976):
«Տժվժիկ» ֆիլմին մէջ օգտագործուած է իր երաժշտութիւնը։
