«ԶԱՐԹՕՆՔ», ՊԷՅՐՈՒԹ – Մուրադ Կոստան Կոստանեան (25 Օգոստոս (7 Սեպտեմբեր) 1902 – 3 Փետրուար 1992, Երեւան), դերասան, ՀԽՍՀ ժողովրդական արտիստ (1956):
1925 թուականին աւարտած է Մոսկուայի հայկական թատերական հիմնարկը։ 1925 թուականէն աշխատած է Թիֆլիսի Ադամեանի անուան հայկական թատրոնը, 1928 թուականէն՝ Լենինականի Աճեմեանի անուան թատրոնը, 1930 թուականէն՝ Երեւանի Սունդուկեանի անուան թատրոնը։ 1932 թուականէն նկարահանուած է ֆիլմերու մէջ։ 1934 թուականէն մանկավարժական գործունէութիւն ծաւալած է: 1944 թուականէն դասաւանդած է Երեւանի թատրոնի եւ ֆիլմի պետական հիմնարկէն ներս։
Դերեր վերցուցած է. Վաղարշեանի «Վանքաձոր», Ա. Գուլակեանի «Արշալոյսին», Կ. Սիմոնովի «Ռուս մարդիկ», Մ. Կորքիի «Եգոր Բուլըչովը եւ ուրիշներ», Ա. Չեխովի «Բալու այգի», Գ. Սունդուկեանի «Խաթաբալա» թատրերգութիւններուն մէջ:
Խաղցած է զանազան դերեր նաեւ 1933 – Լոյս եւ ստուերներ, 1937 – Կարօ, 1938 – Զանգեզուր, 1939 – Լեռնային արշաւ, 1939 – Մեր կոլխոզի մարդիկ, 1939 – Սեւանի ձկնորսները, 1943 – Դաւիթ Բեկ եւ շատ մը այլ շարժանկարներու մէջ:
