Հայաստանի ազգային հաւաքականի եւ «Մանչեսթըր Եունայթըտ»ի կիսապաշտպան Հենրիխ Մխիթարեան նշանակուած է Հայաստանի մէջ ԵՈՒՆԻՍԵՖի բարի կամքի դեսպան:
«Բարի կամքի դեսպանները աշխարհի մէջ շատ կարեւոր դեր կատարած են: Տարբեր ոլորտներու ներկայացուցիչները ամէն ինչ ներդրած են երեխաներու կողքին ըլլալու համար: Մենք շատ շնորհակալ ենք Հենրիխին, որ համաձայնեցաւ աշխատելու երեխաներու համար: Ըլլալով «Մանչեսթըր Եունայթըտ»ի ֆութպոլիստ` ան արդէն իսկ կ’օգնէ»,- ֆութպոլի ակադեմիայի մէջ կայացած ձեռնարկի ժամանակ՝ ըստ «Այսօր»ի՝ ըսած է ԵՈՒՆԻՍԵՖի հայաստանեան ներկայացուցիչ Տանիա Ռատոչայ:
Հենրիխ Մխիթարեան նշած է, որ ԵՈՒՆԻՍՈՖի հետ իր համագործակցութեան հիմնական շեշտը պիտի ըլլայ կրթութեան ոլորտը:
«Հայաստանն այն եզակի կազմակերպութիւններից է, որը նման կերպ երեխաների կողքին է: Ակտիւ քայլեր ենք ձեռնարկելու, որ իւրաքանչիւր երեխայի համար լաւ հնարաւորութիւններ ստեղծուեն»,-նշած է ան:
