Տիարպեքիրի քաղաքապետ Կիւլթան Քըշանաքը եւ քաղաքային խորհուրդի անդամ Ֆըրաթ Անլըն անվտանգութեան վարչութեան ահաբեկչութեան դէմ պայքարի բաժինին կողմէ ձերբակալուած են: Այս մասին՝ ըստ Tert.am-ի, կը հաղորդէ թրքական “Անատոլու” գործակալութիւնը։
Ձերբակալութիւնները տեղի ունեցած են Քրտական բանուորական կուսակցութեան (PKK) դէմ տարուող հետաքննութեան ծիրէն ներս: Այս մասին կը տեղեկացնէ թրքական «Անատոլու» գործակալութիւնը:
Քըշանաքը ձերբակալուած է Տիարպեքիրի օդակայանին մէջ, իսկ Անլըն` իր տան մէջ: Անոնց բնակարաններուն մէջ հետախուզութիւն իրականացուած է:
Քաղաքապետ Քըշանաքի դէմ մեղադրական պատրաստուած է «ահաբեկչական խմբաւորման օգտին» քարոզչութիւն ընելու հիմնաւորմամբ` Մարտ 8ի առիթով կազմակերպուած ձեռնարկի մը ընթացքին իր ելոյթին ժամանակ: Տիարպեքիրի հանրապետական դատախազութեան պատրաստած նիւթերուն մէջ կը նշուի, թէ ան PKK-ի «Ժողովրդավարական ազատ կանանց շարժում» կազմակերպութեան աշխոյժ դերակատարներէն է: Քըշանաքի դէմ գործի ծիրէն ներս «զինուած ահաբեկչական խմբաւորման անդամ ըլլալու» մեղադրանքով անոր նկատմամբ 5-10 տարուան ազատազրկման պահանջ ներկայացուած է:
Տիարպեքիրի քաղաքային խորհուրդի անդամ Ֆըրաթ Անլըն, որ մասնակցած է PKK զինեալի մը յուղարկաւորութեան արարողութեան, կը մեղադրուի «ահաբեկչական խմբաւորման քարոզչութիւն իրականացնելուն» մէջ:
