Արցախի Տումի գիւղին մէջ /Հադրութի շրջան/ համայնքային կեդրոնի կառուցումը «Հայաստան» համահայկական հիմնադրամը կ’իրականացնէ Ֆրանսայի իր տեղական մարմինի հովանաւորութեամբ: Ծրագիրը կը համահովանաւորէ ԼՂՀ կառավարութիւնը:
Կարեւոր համայնքային կեդրոններու դերակատարումը համայնքի կեանքին մէջ` վերջին երեք տարիներու ընթացքին, այլ ծրագիրներուն զուգահեռ, ֆրանսահայերը հովանաւորած են մէկ տասնեակէ աւելի կեդրոններու կառուցումը Արցախի մէջ:
«Ֆրանսահայ համայնքի կողմից կենտրոնների կառուցման շարունակական նախաձեռնութիւնը վկայում է, որ դրանք օգնում են առաւել համակարգուած լուծում տալ բնակիչների առօրեայ խնդիրներին եւ դրական լիցք հաղորդում համայնքի կեանքին»,- կը նշէ «Հայաստան» հիմնադրամի գործադիր տնօրէն Արա Վարդանեան:
Երկյարկանի կառոյցը մէկ յարկի տակ կը կեդրոնացնէ գիւղապետարանը, բուժկէտը, գրադարանը, խաղասրահն ու համակարգչային սենեակը: 150 հանդիսատեսի համար կից կառուցուող դահլիճն ալ պիտի ծառայէ համայնքի ամենատարբեր ձեռնարկներու իրականացման:
«Վերջապէս կը կարողանանք համայնքի հաւաքներն անցկացնել տեղում` առանց գիւղից հեռանալու: Իսկ արդի պայմաններով բուժկէտ ունենալը կրկնակի անհրաժեշտութիւն է մեզ համար, քանի որ գիւղը Հադրութից գտնւում է 31քմ հեռաւորութեան վրայ, եւ յաճախ անհրաժեշտ է լինում այստեղ ծնունդներ ընդունել»,- կը նշէ գիւղապետ Էդիկ Մոսիեան:
768 բնակիչ ունեցող Տումիի մէջ Հիմնադրամը տարիներ առաջ նաեւ վերանորոգած է ջրամատակարարման ցանցը, կահաւորած գիւղի դպրոցն ու տրամադրած մանկապարտէզի գոյքի մէկ մասը:
Տումին Արցախի հնագոյն գիւղերէն է: Այստեղ պահպանուած են շարք մը պատմական եւ մշակութային կոթողներ, յուշարձաններու մասունքներ:
