Հոկտեմբերի 1-ին Հայաստանի մէջ Լիբանանի դեսպան պարոն Ժան Մաքարոնը Լիբանանի Դեսպանատան մէջ հասարակական-մշակութային միջոցառում եւ ճաշկերոյթ կազմակերպեց Երեւանի համալսարաններու մէջ ուսանող լիբանանցի աշակերտներու համար, որուն մասնակցեցան 50 ուսանողներ:
Միջոցառման պատուաւոր հիւրն էր մեծ երգահան Տիգրան Մանսուրեանը, որ իր ելոյթին անդրադարձաւ Լիբանանի մէջ անցուցած մանկութեան օրերուն եւ պատասխանեց շարք մը հարցերու:
Լիբանանի դեսպանը իր ելոյթին ողջունեց ներկաները եւ նշեց, որ այս հանդիպումը ուրախութեան եւ յոյսի հանդիպում է: Ան յորդորեց ուսանողներուն ըլլալ ջանասէր ուսման մէջ:
Դեսպանը մէջբերեց յոյն փիլիսոփայ Դիոգինէսի խօսքը, որ ըսած է. «Իւրաքանչիւր պետութեան հիմքը երիտասարդներու կրթութիւնն է»:
