Թուրքիոյ Սիւաս (Սեբաստիա-խմբ․) նահանգի գիւղերէն մէկուն բնակիչներուն բողոքի հիման վրայ փոխուած է գիւղին անունը:
Ըստ “Արցախփրես”-ի՝ թրքական BirGun կայքը կը փոխանցէ, որՍիւասի Քուզ գիւղի բնակիչները դիմած են իշխանութիւններուն` պնդելով, որ իրենց գիւղի անունը քրդերէնով կնոջ սեռական օրգան կը նշանակէ, որուն պատճառով հարեւան գիւղերու բնակիչները միշտ կը ծաղրեն զիրենք:
Տեղի իշխանութիւնները հաշուի առած են ստեղծուած իրադրութիւնը եւ գիւղի բնակիչներուն պահանջով գիւղը անուանակոչած են նախկին` հայկական անունով` Ծմակ, քանի որ երկար տարիներ գիւղացիները կը շարունակեն իրենց գիւղը անուանել Ծմակ:
