Ապրիլեան քառօրեայ պատերազմին մասնակից բոլոր ուսանողները կրնան օգտուիլ ուսման վարձի զեղչէն: Ինչպէս Panorama.am-ի թղթակիցի հետ զրոյցի ընթացքին նշած է ՀՀ կրթութեան եւ գիտութեան նախարար Լեւոն Մկրտչեան, անոնց համար պիտի կիրառուի առաւելագոյն զեղչի չափը:
«Զեղչը կիրառուելու է այնպէս, որ ապրիլեան պատերազմին մասնակցած եւ զօրացրուած ուսանողները գոհ լինեն»,- նշած է նախարարը:
Լեւոն Մկրտչեան նաեւ յայտնած է, որ ԿԳ նախարարին յանձնարարութեամբ համալսարաններուն մէջ արդէն 50 տոկոս եւ աւելի զեղչ կիրառելու մասին շրջաբերական իջած է:
ԿԳ նախարարը նշած է նաեւ, որ այդ զեղչէն կրնան օգտուիլ ապրիլեան քառօրեայ պատերազմին մասնակից բոլոր ուսանողները` անկախ իրենց առաջադիմութենէն:
Այսպէս` բանակէն զօրացրուած այն ուսանողները, որոնց զինգրքոյկին մէջ կայ ապրիլեան պատերազմին մասնակցութեան գրառում եւ համապատախան կնիք, ապա անոնք կը ստանան ուսման վարձի զեղչ:
