Մեր թուականէն 51 տարիներ առաջ՝ 1964ին մահացած է հայ երաժիշտ, Հայաստանի Արուեստի վաստակաւոր գործիչ եւ երգերու հեղինակ Անտրէ Պապեան:
Ա. Պապեան ծնած է 27 Դեկտեմբեր 1923ին, Լեռնային Ղարաբաղի Մսմնա գիւղին մէջ: Երաժշտական կրթութիւնը ստացած է Պաքուի մէջ: 1950ին աւարտած է Պաքուի երաժշտական ստեղծագործական բաժինը եւ մեկնած Մոսկուա, իր մասնագիտութիւնը կատարելագործելու Մոսկուայի երաժշտական համալսարանին մէջ: Ուսումը աւարտելէ ետք վերադարձած է Պաքու եւ ինքզինք նուիրած ստեղծագործական աշխատանքի:
Անտրէ Պապեան գրած է շարք մը մեներգներ եւ խմբերգներ: Անոր «Արծուաբերդ» օփերան մեծ յաջողութեամբ բեմադրուած է Երեւանի Ալեքսանդր Սպենդիարեանի անուան օփերայի եւ Պալէի պետական ակադեմական թատրոնին ու զանազան քաղաքներու մէջ: Անոր վերջին ստեղծագործութիւնը եղած է «Պաղտասար Աղբար» օփերան:
