Համակարգչային Apple ընկերութիւնը Սեպտեմբեր 9-ին տեղի ունեցած ձեռնարկի ընթացքին, ի թիւս այլ սարքերու ներկայացուցած է ապագայի հեռուստատեսութիւնը` Apple TV-ին:
Apple-ի պաշտօնական կայքի փոխանցմամբ` հեռուստացոյցի միջոցով հնարաւոր պիտի ըլլայ ոչ միայն դիտել հեռուստատեսային հաղորդումներ եւ ֆիլմեր, այլ նաեւ ան կ՛առաջարկէ յաւելուածներ ու խաղեր: Անիկա կ՛աշխատի tvOS գործողութեան համակարգով, որ ծրագրաւորողներուն թոյլ կու տայ բազմաթիւ նորութիւններ մշակել:
Հեռուստասարքը պիտի կառավարուի վահանակով, որ ունի Siri ձայնային օգնականին դիմելու դեր: Այսինքն ձայնային ազդանշան տալով` մարդ կրնայ դիտել ցանկալի հաղորդումը, ֆիլմը, ծրագիրը եւ այլն: Apple TV ձեռք բերողները այլ խաղերու զուգահեռ պիտի կարենան խաղալ հայկական shadowmatic խաղը, որ արժանացած է Apple Design Award 2015 մրցանակին:
Apple ընկերութիւնը Սեպտեմբեր 9ին կայացած ձեռնարկին, հանրութեան դատին ներկայացուցած է քանի մը նոր արտադրանքներ՝ iPhone 6s եւ iPhone 6s Plus հեռախօսները, iPad Pro պլանշեթը ու ատոր համար նախատեսուած Apple մատիտը, ինչպէս նաեւ հեռուստատեսութեան ապագայ Apple TV սարքը։
