Սուրիահայ ձեւաւորող-մոտելաւորող Գէորգ Շատոյեան Հայոց ցեղասպանութեան 100-րդ տարելիցի ձեռնարկներու ծիրէն ներս ներկայացուց «Shadoyan Fashion» նորաձեւութեան տան «Վերածնունդ» հաւաքածոն: ՀՀ սփիւռքի նախարարութեան հովանաւորութեամբ կազմակերպուած ցուցադրութիւնը տեղի ունեցաւ «Մերիտիան Էքսփօ» կեդրոնին մէջ, Յունիս 12-ին:
Ինչպէս կը տեղեկացնէ ՀՀ սփիւռքի նախարարութեան մամուլի եւ հասարակայնութեան հետ կապերու վարչութիւնը, ցուցադրութեան ներկայ եղան ՀՀ սփիւռքի նախարար Հրանոյշ Յակոբեանը, ոլորտի մասնագէտներ, հիւրեր: Ներկայացուեցան 23 կանացի, 7 տղամարդու եւ 8 մանկական համալիր հագուստներ, որոնք բացառապէս ստեղծուած էին հայկական ազգային տարազներու բաղադրիչներէ:
