Յունիս 8-ին կայացած է ամերիկեան հեղինակաւոր «Apple» ընկերութեան «Apple Design» մրցանակաբաշխութիւնը, ուր պարգեւատրուած են «iOS» համակարգին համար ստեղծուած լաւագոյն յաւելուածներու հեղինակները։
Techcrunch.com կայքը կը տեղեկացնէ, թէ մրցանակի արժանացած է նաեւ հայկական «Տրիադա Ստուդիօ» («Triada Studio») ընկերութիւնը, իր «Shadowmatic» խաղին համար:
Խաղը առաջին իսկ օրերէն յայտնուած էր լաւագոյնը նկատուող «Featured» բաժինին մէջ, ստանալով «Editors Choice» (համադրողի ընտրութիւն) կարգավիճակ:
«Shadowmatic» խաղը ստեղծած են Բագրատ Դաբաղեան, Արսէն Աւոյեան, Սերգէյ Մելքոնեան եւ Արա Աղամեան, իսկ «Triada Studio»ն հիմնադրուած է 1993-ին։ Խաղը կարելի է գնել «Apple App Store»էն։
