Մինչ լիբանանեան MEA ընկերութիւնը կը տօնէ իր 70-ամեակը, երէկ՝ Երկուշաբթի 1 Յունիս 2015-ի գիշեր աննախընդաց դէպք մը պատահեցաւ անոր Երեւան-Պէյրութ թռիչքին:
Արդարեւ երէկ գիշեր «Զուարթնոց» օդակայանէն դէպի Պէյրութ թռիչք առած օդանաւը, խանգարում մը ունենալով թռիչքէն կէս ժամ ետք վերադարձած է Երեւան՝ անակնկալ, ստիպողական ու դժուարին էջք մը կատարելով հոն, ուր օդանաւը ուժգնութեամբ օդակայանի գետնին բախած է:
Բարեբախտաբար ճամբորդները անվնաս դուրս եկած են անկէ: Դէպքէն ետք MEA յատուկ օդանաւ մը ղրկած է գիշերը Երեւան ճամբորդները Պէյրութ բերելու համար: Կը շնորհաւորենք սիրելի ճամբորդներն ու օդանաւին անձնակազմը արկածէն անվտանգ դուրս գալուն համար մաղթելով, որ նման արկած մը բնաւ չկրկնուի:
