Նախորդ շաբաթավերջին Չեխիոյ Օսթրաւա քաղաքին մէջ աւարտեցաւ Քարաթէի Եուրօ-2014-ի կրան փրի մրցաշարքը, որուն իրենց մասնակցութիւնը բերին նաեւ Հայաստանի ներկայացուցիչները: Այս մասին կը յայտնէ ArmSport.am-ը:
60 քկ դասակարգին մէջ բանակի կեդրոնական մարզական ակումբի սան, Հայաստանի քարաթէի ազգային հաւաքականի խումբի անդամ Էտկար Մինասեան տիրացաւ ոսկի մետալի:
Իր կարգին, ոսկի մետալի տիրացաւ նաեւ Սերիոժա Մակարեան` 84 քկ դասակարգին մէջ:
Բացարձակ դասակարգին մէջ (Օփըն) Էտկար Մինասեան գրաւեց 3-րդ դիրքը, մինչ Սերիոժա Մակարեան հռչակուեցաւ ախոյեան:
www.armsport.am
